Print Options:

Fruta helduen marmelada jogurtarekin

Yields6 ServingsTotal Time1 hr 10 mins

Etxean dituzun fruta heldu horiekin zer egin ez dakizu? Gaur errezeta zoragarria dakarkizugu, jango ez zenituzkeen fruta-hondar horiek erabili ditzazun. Fruta marmelada gozo-gozoa! Aurretik prestatzeko eta gustukoen duzunean gozatzeko errezeta erraza. Gustukoen dituzun frutekin prestatu dezakezu!

OSAGAIAK:
 2 kiwi
 1 sagar berde
 1 platano
 1 lima
 150 ml ur
 40 g chia-hazi
 2 koilarakada ezti
 3 marrubizko Kaiku Bifi Km0 jogurt erdi-gaingabetu
 Hurrak
1

Kiwiak, sagarra eta platanoa zuritu eta zati txikietan moztuko ditugu.

2

Frutak kazo batean jarriko ditugu lima zukuarekin eta urarekin batera. 20 bat minutuz kozinatu eta birrinduko dugu.

3

Nahasketa ontzi batera bota eta chia-haziak zein eztia gehituko ditugu. Dena nahastu eta hotzean geroko gordeko dugu ordu erdiz, loditu arte.

4

Gustukoen dugun ontzitxoen oinarrian marmelada jarriko dugu eta horien gainean arinki irabiaturiko jogurtak botako ditugu. Hur birrinduekin apainduko dugu.

5

Kasu honetan, hozkailuan ditugun eta helduegi daudenez hondatzeko zorian dauden zenbait fruta erabiliko ditugu. Hiru fruta horiek koloreengatik hautatu ditugu, baina gogokoen ditugunak erabili ditzakegu. Frutak egostean eta chia-haziekin nahastean, marmelada azkarra lortzen dugu, jogurt zein postre askorekin konbinatzeko erraza dena.

Nutrition Facts

Servings 6