Print Options:

Hostopilezko txirikorda barrubetea

Yields4 ServingsTotal Time1 hr 10 mins

Berritzea gustatzen zaizu? Edonork presta dezake hostopilezko txirikorda bat, baina, zuk desberdin egiten badakizunez, utzi ahozabalik gonbidatu guztiak, hostopilezko txirikorda honekin, barrutik txokolate zuriz beteta! Ikusi zeinen erreza den, bioan ageri den estekan.

OSAGAIAK:
Krema egiteko:
 100 ml Kaiku harrotzeko esne-gain.
 100 ml Kaiku Km0 esne erdigaingabetu.
 150 g txokolate zuri
 2 arrautza-gorringo
 30 g azukre
 60 g arto-irin fin
 2 Bifi Km0 jogurt natural, gaingabetuak eta gozatuak
 10 ml banilla-esentzia
Hostopilezko txirikorda egiteko:
 Hostopil-lamina 1, angeluzuzena, gurinarekin
 Arrautza 1
 Pistatxoak
1

Krema egiteko: Ontzi batean, esne-gaina, esnea eta txokolatea berotuko ditugu. Aparteko katilu batean, arrautza-gorringoak, azukrea eta arto-irin fina irabiatuko ditugu, jogurtarekin eta banilla-esentziarekin batera.

2

Esne-gainez, esnez eta txokolatez egindako nahaskia berotzean, aurreko katilura gaineratuko dugu. Nahastu, ontzira berriro bota eta berotu egingo dugu, nahasteari utzi gabe. Hozkailuan hoztuko dugu.

3

Txirikorda egiteko: Hostopil-lamina bertikalean markatuko dugu, neurri bereko hiru herenetan, eta alboak diagonalean moztuko ditugu, 2 cm-ko zerrendatan. Erdiko herena kremaz beteko dugu, eta alboko biak hutsik utziko ditugu.

4

Zerrendak gurutzatuko ditugu, kremaren gainetik albo bana igaroz, txandaka, txirikorda bat osatuz. Arrautza irabiatuz margotuko dugu, pistatxoekin apaindu eta labean sartuko dugu 15 minutuz, 200 ÂșC-tan.

Nutrition Facts

Servings 0