Gaur egun, egunero jaten ditugun elikagai askok milaka kilometro egiten dituzte gure mahaietara iristeko. Garraio hau garestia eta kutsagarria da, eta elikagaien propietate asko galdu egiten dira ibilbidean. Km.0-ko produktuen kontsumoa aukera ona da arazo horiei aurre egiteko.
Tokiko produktuak eremu geografiko berean ekoizten eta kontsumitzen dira. Kaiku Km.0-ren kasuan, gure esneki guztiak Euskal Herrian ekoizten eta ontziratzen ditugu. Tokiko kontsumoarekin, produktuen zapore eta propietate guztiez gozatzeaz gain, karbono-aztarna murrizten eta tokiko ekoizleen garapen sozioekonomikoari laguntzen ariko zara. Horrelako produktuen kontsumoak, balio iraunkorrak eta ingurumenarekiko errespetua lehenesten den bizi-filosofiarekin bat egiten du.
Kontsumo-mota horri lotutako ekoizpen-sistemek baliabide naturalen jarraitutasuna bermatzen dute gure belaunaldirako eta hurrengoetarako. Hurrengo lerroetan, zehatz-mehatz azalduko dizkizugu Km.0-ko produktuen kontsumoaren onurak:
- Fresko-Fresko: Km.0-ko produktuak eremu geografiko berean ekoizten eta saltzen dira. Horrek esan nahi du gure baserrietatik zure mahaira produktu freskoagoak iristen direla, zapore biziagoarekin eta nutrizio-balioen %100arekin.
- Elikagaien segurtasun handiagoa: Km.0-ko produktuak gure baserrietan ekoiztu ohi dira. Instalazio handiak ez direnez, hobeto kontrola daitezke ekoizpen praktikak eta elikagaien segurtasuna bermatu.
- Tokiko Baserritarrei laguntza: Km.0-ko produktuak erostean, herriko abeltzainei laguntzen ari gara, gure erkidegoko ekonomia indartzen laguntzeko.
- Karbono-aztarna murriztea: hurbileko produktuen kontsumoarekin, urruneko produktuak garraiatzeko beharra murrizten dugu, eta horrek gure karbono-aztarna gutxitzen du.
Laburbilduz, Km.0-ko produktuak kontsumitzea modu bikaina da bertako nekazari eta ekoizleei laguntzeko, produktu freskoagoak eta kalitate hobekoak erabiltzeko eta gure karbono-aztarna murrizteko. Esne-enpresa gisa, garrantzitsua da produktu hauek sustatzea eta eskaintzea, zuentzat guztiontzako elikadura osasuntsua eta jasangarria sustatzeko.
